Ubat hate"
Pujoe mula phoen, MEUWOE keu Rabbi,,
Seulaweut KEU Nabi, MEUNYANG KEUDUA,,
Rahmat seujahtera, Tuhanku Neu bri,,
Keu keluarga Nabi, RASUL MUSTAFA,,
Dan lom sahabat, KELUARGA Nabi,,
Para tabi tabi'ain, mandum Aulia,,
Para 'ulama, PEUNGIKOET NABI,,
SEUREUTA akhi, hana loen lupa,,
Saleum loen Rireu, do'a loen bagi,,
Keupada akhi, tuha ngoen muda,,
LAKE bak Allah, BEUTROK HAJATI,,
Leupah bak titi, blang padang mahsya,,
SABOEH MUSTIKA, HAJAT loen rawi,,
Deungoe hai akhi, seun-seun sibanja,,
Hajat loen KISAH , PEUNAWA hati,,
Keu UMAT NABI, MEUNyang tem baca,,
Ngoen hate suci, taturi Rabbi,,
Dunia Ukhrawi, tanyoe bahagia,,
Yang TEM useuha, PASTI Neubri,,
Rahmat ILahi, MEULIPAT GANDA,,
Pertama phoen, MEUNOE KHUEN NABI,,
KEU Ubat hati, Al-Qur'an ta baca,,
Ta baca Al-Qur'an, beu TApham arti,,
Mangat jeut meuri, HARUEM NGOEN HANA,,
Teuma keu dua, jinoe loen rawi,,
Ingat keu Rabbi, 'oeh malam jula,,
Sembahyang TAHJUD , wahee e akhi,,
Hate beu suci, dari buet donya,,
TEUMA yang keu lhee , silaturrahmi,,
TAPEUTOE DIRI , DEUNGON 'ulama,,
KARNA 'ulama, nyan wareh Nabi,,
Hate yang suci, Allah karunia,,
Yang keu peut sah, BEU TAHINDARI,,
Dari buet keuji, ateuh rhueng donya,,
NYAN hawa nafsu, BEU TAKEUNDALI,,
Ta tahan diri, lewat puasa,,
TEUMA keu limoeng, nyawoeng ta uji,,
Zikir KEU RABBI , keu Dzat yang Esa,,
'Oh malam jula, KUTIKA sunyi,,
Beudoh hai akhi, PUJOE RABBANA,,
MEUNAN MUPHOM LON, LAM HADIS NABI,,
NeuCI peurati, kadang na cupa,,
KADANG SALAH LON , BAK PUPHOEM ARTI,,
MEUAH BEU NEUBRI, NEU AMPON DOSA,,
( Agam Sidroe 6 Rajab 1433 M/ 27 mei 2012 )
Jakarta Time
